شهر جون رونقون بحال ڪيون وينديون، هر ٽائون ۾ جديد گرائونڊ ٺاهيا ويندا: مرتضيٰ وهاب

ڪراچيءَ جي ميئر مرتضيٰ وهاب چيو آهي ته شهر جون رونقون بحال ڪيون وينديون، هر ٽائون ۾ جديد گرائونڊ ٺاهيا ويندا، نوجوان راندين جي سرگرمين ۾ ضرور حصو وٺن. مرتضيٰ وهاب، ابراهيم حيدريءَ ۾ مجاهد بلوچ فٽبال گرائونڊ پهتو، جتي بلوچ محمڊن 7 برما آفريدي جي ٽيمن وچ ۾  فائنل کيڏيو ويو. ڪراچيءَ جي ميئر فاتح ٽيم ۾ ٽرافي  انعام پڻ ورهايا. ان موقعي تي ڳالهائيندي مرتضيٰ وهاب چيو ته  شهر جون رونقون بحال ڪيون وينديون، هر ٽائون ۾ جديد گرائونڊ ٺاهيا ويندا، نوجوان راندين جي سرگرمين ۾ ضرور حصو وٺن. هن چيو ته اڪثر ٽائونن ۾ اسٽيٽ  آف دي آرٽ گرائونڊ بڻجي چڪو آهي، رانديگرن ۽ تماشائين جو جوش ڏسڻ وٽان آهي. مرتضيٰ وهاب چيو ته رمضان جي برڪت سان شهر جي رونقن ۾ اضافو ٿي ويو آهي. ان موقعي تي ايم اين اي آغا رفيع الله، ايم پي اي محمود عالم ڄاموٽ، ميونسپل چيئرمين نذير ڀٽو ۽ ٻيا پڻ موجود هئا………