مودي طرفان اسرائيل کي غزه مٿان بمباري دوران هٿيار فراهم ڪرڻ جو سلسلو جاري آهي. غزه مٿان جاري اسرائيلي جارحيت کي 262 ڏينهن گذري ويا ۽ معصوم فلسطينين تي اسرائيل جي دهشتگردي اڄ به جاري آهي. غزه تي اسرائيلي حملن جو سڀ کان وڏو حامي ڀارت آهي جيڪو مودي جي مسلمان دشمني جو ثبوت آهي. مودي طرفان اسرائيل کي وڏي تعداد ۾ هٿيارن جي فراهمي جو عمل جاري آهي. اسرائيلي اخبار موجب مظلوم فلسطينين تي ظلم ۽ ڏاڍ کي برقرار رکڻ ۾ ڀارت اسرائيل کي جديد هرميس 900 ڊرون سان گڏ ٻيا هٿيار  فراهم ڪيا. اسرائيلي اخبار موجب اسرائيل کي اهو ڊرون فراهم ڪرڻ لاءِ مودي سرڪار ۽ اعليٰ اختيارين خاص طور تي منظوري ڏني. ان کان اڳ به 8 جون تي فلسطين ۾ قائم گڏيل قومن جي ڪئمپ ۾ پناهه ورتل فلسطينين تي اسرائيلي فوج بمباري ڪئي. اسرائيل طرفان ميڊ ان انڊيا ليبل جا ڀارتي ميزائلن جي بمباري جي نتيجي ۾ 40 معصوم فلسطيني شهيد ٿي ويا جڏهن ته 100 کان وڌيڪ زخمي ٿيا هئا. فيبروري 2024ع ۾ ڀارتي فيڪٽري طرفان اسرائيل لاءِ غزه خلاف جنگ ۾ خاص 20 ڊرونز تيار ڪيا ويا. ڀارتي فيڪٽري اڊاني گروپ ۽ اسرائيلي بچاءَ واري ڪمپني ايلبٽ سسٽمز طرفان قائم ڪئي وئي جيڪا اسرائيل کان ٻاهر اهڙا ڊرون تيار ڪندڙ دنيا جي پهرين فيڪٽري آهي. هلندڙ سال به اڊاني گروپ طرفان ڊرون ڀارت کان اسرائيل موڪليا ويا هئا جيڪي غزه ۾ هٿين خالي مسلمانن تي استعمال ڪيا ويا اسرائيلي اخبار موجب فلسطين خلاف جنگ شروع ٿيڻ سان ئي ڀارت اسرائيل کي شيلز ۽ هٿيار فراهم ڪيا. 7 آڪٽوبر 2023ع کان وٺي هن وقت تائين غزه تي اسرائيل جي بمبارين جي نتيجي ۾ 37 هزار کان وڌيڪ ماڻهو شهيد ۽ 86 هزار کان وڌيڪ زخمي ٿيا جن ۾ وڏو انگ ٻارن جو آهي. هٿين خالي مظلمون فلسطينين جي شهادت ۾ اسرائيل سان گڏوگڏ ڀارت به ڀرپور ڪردار ادا ڪيو. فلسطين ۾ ڀارتي ميزائلن جو استعمال واضح ڪري ٿو ته انتها پسند مودي ڀارت ڀارت کان ٻاهر به مسلمانن تي حملا ڪرائي پنهنجي يهودي آقائن جي مڪمل حمايت ڪري رهيو آهي. ڀارت ۽ اسرائيل جي ڳٺ جوڙ دنيا کي هڪ خطرناڪ جنگ ۾ ڌڪي سگهي ٿي. مودي جو اکنڊ ڀارت ۽ گريٽر اسرائيل هڪ ئي نظريي جا ٻه پاسا آهن……

اسرائيل جي غزه ۾ دهشتگردي جاري آهي، اسرائيلي جهازن جي حملي ۾ حماس اڳواڻ اسماعيل هانيه جي ڀيڻ سميت 10 ڄڻا شهيد ٿي ويا جڏهن ته ڪيترائي ماڻهو زخمي ٿي پيا. اسرائيلي جهازن حماس اڳواڻ اسماعيل هانيه جي گهر تي حملو ڪيو جنهن جي نتيجي ۾ سندس ڀيڻ سميت 10 ڄڻا شهيد ٿي ويا. عرب ميڊيا موجب، يهودي فوج پناهگير اسڪول ۽ غزه ۾ امداد جي منتظر فلسطيني تي بمباري ڪئي جنهن جي نتيجي ۾ 25 ڄڻا شهيد ٿي ويا. عرب ميڊيا موجب، 7 آڪٽوبر کان هن وقت تائين شهيدن جو انگ 37 هزار 626 کان وڌي ويو آهي جڏهن ته 86 هزار کان وڌيڪ زخمي ٿي چڪا آهن. عرب ميڊيا موجب، غزه ۾ اجتماعي قبرن مان ڪيترن ئي اڻڄاتل ٻارن جا لاش هٿ آيا آهن. ٻئي پاسي ٻارن لاءِ ڪم ڪندڙ عالمي تنظيم سيو دي چلڊرين پاران غزه جنگ ۾ 21 هزار فلسطيني ٻارن جي لاپتا ٿيڻ جو انڪشاف ڪدني جاچ جو مطالبو ڪيو آهي. هوڏانهن اسرائيلي وزيراعظم نيتن ياهو جو چوڻ آهي ته حماس سان جنگ بندي معاهدي باوجود جنگ جاري رهندي، هو اهڙي معاهدي لاءِ تيار آهن جنهن سان قيدين جي واپسي ٿي سگهي. ٻئي پاسي حماس جي سربراهه اسماعيل هانيه چيو آهي ته سندس خاندان تي دشمن جو حملو به سندن مزاحمت ۽ موقف کي تبديل نٿو ڪري سگهي.

آمريڪا دهشتگردي جي خاتمي لاءِ پاڪستان جي ڪوششن جي حمايت جو اعلان ڪري ڇڏيو. آمريڪي پرڏيهي کاتي جي ترجمان ميٿيو ملر واشنگٽن ۾ پريس ڪانفرنس دوران چيو آهي ته پاڪستان جي عوام دهشتگرد حملن سبب گهڻو نقصان برداشت ڪيو آهي، پاڪستان سميت ڪنهن به ملڪ کي اهڙي دهشتگردي جو شڪار نه ٿيڻ گهرجي. هن چيو ته علائقائي سلامتي کي درپيش خطرن کي منهن ڏيڻ لاءِ امريڪا ۽ پاڪستان جي گڏيل مفاد آهن، پاڪستان سان ملٽري ٽو ملٽري لاڳاپا جاري رهندا. ميٿيو ملر چيو ته امريڪا کي سوات ۾ پرتشدد واقعن تي ڳڻتي آهي، هو متاثر ڪٽنبن سان تعزيت ۽ زخمين جي جلد صحتيابي لاءِ نيڪ خواهشن جو اظهار ڪري ٿو. هن چيو ته مذهبي طور تي تشدد جي واقعن تي ڳڻتي آهي، تشدد يا تشدد جو خطرو اظهار جي قابل قبول صورت ناهي. آمريڪي پرڏيهي کاتي جي ترجمان ميٿيو ملر چيو آهي ته پاڪستان ۾ انساني حقن، مذهبي، اظهار جي آزادي، پرامن اجتماع جي حقن جو احترام ڪيو وڃي، قانون جي حڪمراني ۽ انساني حقن جي تحفظ جي قدمن جي حمايت ڪئي وڃي. آمريڪي پرڏيهي کاتي جي ترجمان چيو ته پاڪستان ۾ انساني حقن، مذهبي، اظهار جي آزادي، پرامن اجتماع جو احترام ڪيو وڃي. ميٿو ملر جو وڌيڪ چوڻ هو ته هو پاڪستاني عملدارن سان مذهبي آزادي، اقليتن سان سلوڪ، انساني حقن جي معاملن تي ڳالهيون ڪندا رهندا، هو اهڙن قدمن جي حمايت ڪن ٿا جنهن سان قانون جي حڪمراني ۽انساني حقن جي تحفظ کي هٿي ملي.