سنڌ جي مختلف شهرن ۾ ڪٿي هلڪي ته ڪٿي تيز برسات کانپوءِ گرمي جو زور ٽٽي ويو جڏهن ته هيٺاهين وارن علائقن ۾ پاڻي بيهجي ويو ۽ مواصلاتي نظام به ڊانوانڊول ٿي ويو. سکر ۽ ڀرپاسي وارن علائقن ۾ تيز هوا سان گڏ برسات سبب گرمي جو زور ٽٽي ويو. خيرپور ۽ ڀرپاسي وارن علائقن ۾ وسڪاري بعد هيٺاهين وارن علائقن ۾ پاڻي بيهجي ويو ۽ بجلي بند ٿي وئي. شهدادڪوٽ ۽ ڀرپاسي وارن علائقن ۾ گجگوڙ سان برسات کانپوءِ گرميءَ جو زور ٽٽي ويو ۽ موسم خوشگوار ٿي وئي. روهڙي ۽ ڀرپاسي وارن علائقن ۾ تيز هوا سان گڏ وسڪاري بعد گهرن جي ڇتن تي رکيل سولر پليٽون، سائن بورڊ ۽ ڇپرا اڏامي ويا. ٺڪراٺي ۽ ڀرپاسي وارن علائقن ۾ گجگوڙ سان برسات بعد گرمي جو زور ٽٽي ويو ۽ موسم خوشگوار ٿي وئي. ٺل ۽ ڀرپاسي وارن علائقن ۾ تيز هوا سان گڏ وسڪاري سبب بجلي بند ٿي وئي آهي. ناري تعلقي جي مختلف علائقن نارا گيٽ، زيرو پوائنٽ، مثالي ڳوٺ، کينهواري، تجل ۽ ٻين علائقن ۾ تيز هوا سان گڏ برسات بعد گرمي جو زور ٽٽي ويو. گپچاڻي ۽ ڀرپاسي وارن علائقن ۾ به  وسڪارو ٿيو. ميرو خان ۽ ڀرپاسي وارن علائقن ۾ تيز هوا سان گڏ برسات بعد گرمي جو زور ٽٽي ويو ۽ موسم وڻندڙ ٿي وئي. نصير آباد ۽ ڀرپاسي وارن علائقن ۾ طوفاني برسات بعد ڪيترائي ڇپرا ڊهي پٽ ۽ گهرن جي ڇتن تي رکيل سولر پليٽون اڏامي ويون. سجاول جوڻيجو ۽ ڀرپاسي وارن علائقن ۾ به وسڪارو ٿيو. ڏوڪري ۽ ڀرپاسي وارن علائقن ۾ برسات بعد بجلي بند ٿي وئي. ڳڙهي خيري ۾ به تيز هوا سان گڏ وسڪاري کان بعد گرمي جو زور ٽٽي ويو ۽ موسم خوشگوار ٿي وئي. دوداپور ۾ به برسات بعد مواصلاتي نظام ڊانوانڊول ٿي ويو. بوزدار وڏا ۽ ڀرپاسي وارن علائقن ۾ وسڪاري بعد هيٺاهين وارن علائقن ۾ پاڻي بيهجي ويو. ٿرڙي محبت ۾ به برسات کانپوءِ گرمي جو زور ٽٽي ويو. خانواهڻ ۽ ڀرپاسي وارن علائقن ۾ به وسڪارو ٿيو آهي. ميهڙ ۾ به تيز هوا سان گڏ برسات کانپوءِ موسم وڻندڙ ٿي وئي. مبارڪپور ۽ ڀرپاسي وارن علائقن ۾ وسڪاري کان پوءِ گرمي جو زور ٽٽي ويو. ٻٻرلوءِ ۽ ڀرپاسي وارن علائقن ۾ برسات بعد کجين جي تيار فصل کي ڪاپاري ڌڪ سبب آبادگارن جا هٿ مٿي تي اچي ويا. غوثپور ۾ به تيز هوا سان گڏ وسڪارو بعد موسم خوشگوار ٿي وئي. پڊعيدن ۽ ڀرپاسي وارن علائقن ۾ برسات کانپوءِ گرمي جو زور ٽٽي ويو. گپچاڻي ۾ به وسڪاري بعد گرمي جو زور ٽٽي ويو ۽ موسم وڻندڙ ٿي وئي.

گهاري ويجهو بجلي جو ڪرنٽ لڳڻ سبب ماءُ ۽ سندس ٻه ڌيئرون فوت ٿي ويون آهن. ڳوٺ نبن چانڊيو ۾ گهر ۾ بورڊ جو بٽڻ کولڻ دوران عورت کي بجلي جو ڪرنٽ لڳو. ماءُ کي بچائڻ لاءِ آيل ٻن ڌيئرون کي به بجلي جو ڪرنٽ لڳو. بجلي جي ڪرنٽ سبب ماءُ ۽ سندس ٻه ڌيئرون ٿڏي تي ئي فوت ٿي ويو. ماءُ ۽ ٻن ڌيئرن جي فوت ٿيڻ بعد گهر ۾ ڪهرام ۽ علائقي ۾ سوڳ وارو ماحول ڇائنجي ويو. وارثن جو چوڻ آهي ته گهر ۾ بورڊ جو بٽڻ کولڻ دوران عورت کي بجلي جو ڪرنٽ لڳو،ماءُ کي بچائڻ لاءِ آيل ٻن ڌيئرون کي به بجلي جو ڪرنٽ لڳو. وارثن موجب، بجلي جو ڪرنٽ لڳڻ سبب ماءُ ۽ سندس ٻه ڌيئرون فوت ٿي ويون…….

سنڌ جي آبپاشي واري وزير ڄام خان شوري چيو آهي ته سکر بئراج جي دروازن کي نقصان پهتو آهي، بئراج جي دروازن کي نقصان پهچڻ سبب پاڻي ڊائون اسٽريم ۾ ڇوڙ ڪيو ويو آهي، مرمتي ڪم سبب ليفٽ ۽ رائيٽ بينڪ ڪينال کي پاڻي جي فراهمي نه ٿي سگهندي. سنڌ جو آبپاشي وارو وزير ڄام خان شورو ۽ سيڪريٽري آبپاشي ظريف احمد کيڙو سکر بئراج پهچي ويا. صوبائي وزير ڄام خان شوري سکر بئراج جي دروازن جي ٿيل نقصان جو جائزو ورتو. ايم ڊي سيڊا، ايم ڊي سوات، چيف انجنيئر سکر، روهڙي ۽ ٻين آفيسرن صوبائي وزير ڄام خان شوري کي بريفنگ ڏني. ترجمان موجب، صوبائي وزير ڄام خان شورو رات دير تائين صورتحال جي نگراني ڪندو رهيو. صوبائي وزير وزير ڄام خان شوري چيو ته سکر بئراج جي دروازن کي نقصان پهتو آهي، بئراج جي دروازن کي نقصان پهچڻ سبب پاڻي ڊائون اسٽريم ۾ ڇوڙ ڪيو ويو آهي، مرمتي ڪم سبب ليفٽ ۽ رائيٽ بينڪ ڪينال کي پاڻي جي فراهمي نه ٿي سگهندي.

پاڪستان پيپلزپارٽي ڪراچي ڊويزن جي صدر ۽ صوبائي وزير سعيد غني لياري ۾ شهيد بينظير ڀٽو جي 71 هين سالگرهه جي سلسلي ۾ رٿيل تقريب جي انتطامن جو جائزو ورتو. صوبائي وزير سعيد غني رات دير سان لياري جي علائقي چاڪيواڙه پهتو. پ پ ڪراچي ڊويزن جي صدر ۽ صوبائي وزير اسٽيج سميت ٻين ڪمن جو جائزو ورتو. ان موقعي تي صوبائي وزير جو چوڻ هو ته لياري ۾ اڄ ٿيندڙ سالگرهه جي تقريب يادگار تقريب هوندي. هن چيو ته بلاول ڀٽو زرداري سالگرهه جي تقريب لاءِ خصوصي طور تي لياري جي چونڊ ڪئي جيڪا پ پ چيئرمين جي لياري سان محبت جي دليل آهي. هن وڌيڪ چيو ته اڄ شام چئين وڳي لياري جيئي ڀٽو جي نعرن سان گونجندو. ان موقعي تي پيپلزپارٽي ڪراچي ڊويزن جو سيڪريٽري جنرل جاويد ناگوري، ڊسٽرڪٽ ڏکڻ جو صدر خليل هوت، ايم پي اي يوسف بلوچ، لياري ٽائون چيئرمين ناصر ڪريم سميت لياري جي مختلف يوسيز جا چيئرمين ۽ ٻيا پارٽي ڪارڪن موجود هئا.

پاڻي جي دٻاءُ سبب سکر  بئراج جو گيٽ نمبر 44 ۽ 47 ٽٽي پيا ۽ ٽن گيٽن کي جزوي نقصان پهتو آهي. پاڻي جي دٻاءُ سبب سکر  بئراج جو گيٽ نمبر 44 ۽ 47 ٽٽي پيا، جڏهن ته گيٽ نمبر 59،56،54 کي جزوي نقصان پهتو آهي. بئراج جا گيٽ ٽٽڻ ۽ نقصان سبب پاڻي ورڇ سخت متاثر ٿي آهي. آبپاشي ذريعن موجب انجنيئر پاران گيٽن جي زبردستي سيٽنگ تبديل ڪرائي وئي جنهن سبب دروزان کي نقصان پهتو آهي. مجموعي طور سکر بئراج جا پنج گيٽ متاثر ٿيا آهن. سکر بئراج جا دروازا ٽٽڻ بعد سکر بئراج کي عام ٽريفڪ لاءِ بند ڪيو ويو.